إحدى المكرمات من الرئيس السيسي: بشتغل من 14 سنة ومررت بظروف صعبة تحملتها عشان أولادي

عبرت رحاب علي حسن، إحدى المكرمات من الرئيس السيسي في احتفالية عيد العمال، عن سعادتها من تكريمها من الرئيس باحتفالية اليوم، مؤكدة أنها مرت بظروف صعبة كثيرا خلال مراحل عملها حيث تعمل في الشارع منذ عام 2010.

وأضافت رحاب علي حسن، خلال مداخلة هاتفية ببرنامج “مساء دي إم سي”، على قناة دي ام سي، “تعبت من العمل وكنت بشوف بهدلة وكنت بتحمل عشان أولادي وعملت رخصة درجة تانية وكنت علطول بتعب أني شغالة على عربيات الناس ومصاريف العيال كتير وعندي 4 أولاد في مراحل التعليم المختلفة وظروفي الاجتماعية مطلقة واحصل على نفقة وأمي بتساعدني من معاشها”.

وتابعت: “أنا معنديش شغل ثابت والاولاد بيحاولوا ينزلوا يساعدوني، وبينزلوا من وقت لآخر ينزلوا يحاولوا بس برفض عشان دراستهم، وبتنقل في الشغل من تاكسي لعربية لميكروباص بقالي 14 سنة، والبعض بيرفض أن الست تعمل سواقة، وناس تتريق ويخرجوا الفاظ بذيئة، وفي ناس برضو كويسة بتتعامل بكل أدب وذوق، ومضطرين نتحمل المعاناة بسبب الاولاد”.